ആകര്‍ഷണങ്ങള്‍

കുമളി: തേക്കടിയോട് ചേര്‍ന്ന തോട്ടവിള നഗരം, സുഗന്ധവ്യജ്ഞന വ്യാപാര കേന്ദ്രം

മംഗളാ ദേവി ക്ഷേത്രം: 2000 വര്‍ഷം പഴക്കമുള്ള കേരളീയ മാതൃകയില്‍ തീര്‍ത്ത ക്ഷേത്രം. തേക്കടി വനത്തിനുള്ളില്‍ സ്ഥിതി ചെയ്യുന്നു. 1337 മീറ്റര്‍ ഉയരത്തിലുള്ള ക്ഷേത്രത്തിലെത്തിയാല്‍ പശ്ചിമഘട്ട മലനിരകളുടെ കിഴക്കന്‍ ചെരിവും, തമിഴ്‌നാട് ഗ്രാമങ്ങളും കാണാം. വനം വകുപ്പിന്റെ അനുമതിയോടെ ക്ഷേത്രത്തില്‍ ദര്‍ശനം നടത്താം.

വനവാസി മ്യൂസിയം: വന വാസികളുടെ ജീവിതത്തെയും സംസ്‌ക്കാരത്തേയും കുറിച്ച് വെളിച്ചം പകരുന്ന മ്യൂസിയം.

പെരിയാര്‍ കടുവാ പഠന കേന്ദ്രം: പെരിയാര്‍ വന്യമൃഗ കേന്ദ്രത്തിന്റെയും അവിടെയുള്ള മൃഗങ്ങളെയും കുറിച്ചുള്ള വിശദമായ പഠന വിവരങ്ങള്‍ നല്‍കുന്ന കേന്ദ്രം. ഗവേഷകര്‍ക്കും മറ്റ് പഠിതാക്കള്‍ക്കും വിലപ്പെട്ട വിവരങ്ങള്‍ ഇവിടെ ലഭിക്കും.

പ്രത്യേക അറിയിപ്പ്:

• വന്യജീവി നിരീക്ഷണത്തിനുള്ള അവസാന ബോട്ട് യാത്രയിൽ പങ്കെടുക്കാൻ അതിഥികൾ ഉച്ചയ്ക്ക് 1.30 ന് മുമ്പ് ആരണ്യ നിവാസിൽ എത്തിച്ചേരണമെന്ന് അഭ്യർത്ഥിക്കുന്നു.
• പെരിയാർ വന്യജീവി സങ്കേതത്തിലേക്കുള്ള പ്രവേശനം വൈകുന്നേരം 5.00 മണിക്ക് അടയ്ക്കും. അതിനാൽ ദയവായി വൈകുന്നേരം 5.00 മണിക്ക് മുമ്പ് വന്യജീവി സങ്കേതത്തിൽ എത്തിച്ചേരുക.
• അരണ്യ നിവാസിലെ അതിഥികൾക്ക് ബോട്ടിംഗിനായി സീറ്റുകൾ മുൻകൂട്ടി പണമടച്ച് (ലഭ്യതയ്ക്ക് വിധേയമായി) ബുക്ക് ചെയ്യാൻ അഭ്യർത്ഥിക്കുന്നു .