പെരിയാര് ഹൗസ്
വിഭാഗം: ബജറ്റ് ജങ്കിള് ലോഡ്ജ്
സന്ദര്ശകര് അഞ്ചു മണിക്ക് മുന്പ് എത്തണം. ഈ സമയത്തിനു ശേഷം വനം വകുപ്പിന്റെ ചെക്ക് പോസ്റ്റില് കൂടി പ്രവേശനം നിരോധിച്ചിരിക്കുന്നു.
ആകര്ഷണങ്ങള്
കുമിളി: തേക്കടിയോട് ചേര്ന്നു കിടക്കുന്ന തോട്ടവിളകളുടെ പട്ടണം. സുഗന്ധവ്യഞ്ജനങ്ങളുടെ വാണിജ്യ കേന്ദ്രം.
മംഗളാദേവി ക്ഷേത്രം: വനമധ്യത്തില് കേരളീയ മാതൃകയില് തീര്ത്ത ഈ ക്ഷേത്രത്തിന്
2000 വര്ഷത്തെ പഴക്കമുണ്ട്. 1337 മീറ്റര് ഉയരത്തിലുള്ള ക്ഷേത്രത്തിലെത്തിയാല്
പശ്ചിമഘട്ടത്തിന്റെ കിഴക്കന് ചെരിവും, തമിഴ്നാട് ഗ്രാമങ്ങളും കാണാം.
ക്ഷേത്രത്തില് പോകുന്നതിന് വനം വകുപ്പിന്റെ അനുമതി ആവശ്യമാണ്.
വനവാസി മ്യൂസിയം: വനവാസികളുടെ ജീവിതത്തേയും, അവരുടെ സംസ്കാരത്തേയും കുറിച്ച് വെളിച്ചം പകരുന്ന മ്യൂസിയം.
കടുവാ പഠന കേന്ദ്രം : പെരിയാര് മൃഗസങ്കേതത്തിലെ മുഴുവന് മൃഗ ഇനങ്ങളേയും കുറിച്ച്
പ്രാമാണിക വിവരങ്ങള് സൂക്ഷിച്ചിട്ടുള്ള പഠന കേന്ദ്രം. ഗവേഷകര്ക്കുവേണ്ട
വിവരങ്ങള് ഇവിടെനിന്നും ശേഖരിക്കാം.
പ്രത്യേക അറിയിപ്പ് :
- അതിഥികൾ വന്യജീവി നിരീക്ഷണത്തിനുള്ള അവസാന ബോട്ട് യാത്രയിൽ പങ്കെടുക്കുന്നതിനായി വൈകുന്നേരം 3.00 മണിക്ക് മുമ്പ് പെരിയാർ ഹൗസിൽ എത്തിച്ചേരണമെന്ന് അഭ്യർത്ഥിക്കുന്നു.
- വൈകുന്നേരം 5.00 മണിക്ക് പെരിയാർ സങ്കേതത്തിലേക്കുള്ള പ്രവേശനം അടയ്ക്കുന്നതാണ്. അതിനാൽ 5.00 മണിക്ക് മുമ്പ് സങ്കേതത്തിനുള്ളിൽ എത്തിച്ചേരുന്നുവെന്ന് ദയവായി ഉറപ്പാക്കുക.
- പെരിയാർ ഹൗസിലെ അതിഥികൾ വിവിധ സമയക്രമങ്ങളിലേക്കുള്ള ബോട്ടിംഗ് സീറ്റുകൾ ലഭ്യതയ്ക്ക് വിധേയമായി മുൻകൂട്ടി പണമടച്ച് റിസർവ് ചെയ്യണം.
